अवैध रुपमा ओसारपसार गरिएको सालको काठ बरामद

कैलाली– ईलाका प्रहरी कार्यालय सुगरखाल कैलालीले अवैध रुपमा ओसारपसार गरिरहेको अवस्थामा सालको काठ बरामद गरेको छ । कैलाली मोहन्याल गाउँपालिका बडिगाउँस्थित सोल्टा चिसापानी सडक खण्डमा कसेनीबाट चिसापानी तर्फ आउँदै गरेको ट्याक्टरबाट काठ बरामद गरिएको हो ।

प्रहरीले भे १ त ६४७९ नम्बरको ट्याक्टरलाई जाँच गर्ने क्रममा सालको ७ फिटे कडी ४५ थान काठ बरामद  भएको जनाएको छ । प्रहरीकाअनुसार २६.२५ क्यु.फिट बरामद गरिएको हो । काठसँगै ट्याक्टर चालक चक्रहादुर थापा पक्राउ परेका छन् ।

---

ट्याक्टर र ट्याक्टर चालकलाई आवश्यक कारवाहीको लागि सब डिभिजन बन कार्यालय चिसापानी कैलाली पठाईएको प्रहरीले जनाएको छ।