भीम रावलको गृह जिल्लामा नेकपा सुदूरपश्चिम अध्यक्षको गाडी तोडफोड

कैलाली : नेकपाका सुदूरपश्चिम अध्यक्ष तथा नेकपा ओली समूहका नेता कर्णबहादुर थापाको गाडीमा तोडफोड भएको छ । दाहाल–नेपाल समूहका नेता तथा नेकपाका सुदूरपश्चिम इन्चार्ज भीम रावलको गृहजिल्ला अछाममा थापा सवार गाडीमा तोडफोड भएको हो । 

आमसभालाई सम्बोधन गर्न पुगेका थापाको गाडीमा दाहाल–नेपाल समूहका युवा र विद्यार्थीहरूले पार्टी कार्यालयमा तोडफोड गरेका हुन् । राष्ट्रिय युवा संघ नेपाल र अनेरास्ववियूका युवा तथा विद्यार्थीले थापा सवार प्रदेश ३ –०१ ०२३ च ७०६९ नम्बरको गाडीमा तोडफोड गरेका हुन् ।

---

युवा संघका केन्द्रीय सदस्य दीपक कुँवरले असंवैधानिक कदम चालेका प्रधानमन्त्रीको पक्षमा  जनता भड्काउन आउनेहरूलाई लखेटिने चेतावनी दिए ।