भेटाएको ५ तोला सुन फिर्ता

कैलाली : धनगढीमा हराएको झण्डै ५ तोला सुन फेला पारेकी एक महिलाले सम्बन्धित व्यक्तिलाई फिर्ता गरेकी छिन् । उप–महानगरपालिकाको वडा नम्बर १ कि शान्ति चौधरीले भेटाएको पौने ५ तोला सुन फिर्ता गरेकी हुन् ।

३ गते मोटरसाइकलमा अत्तरियातर्फ गइरहेका धनगढी उपमहानगरपालिक–१  शान्तिनगर बस्ने प्रदिप नेपालीले बोकेको गरगहनासहितको झोला हराएको थियो । झोला हराएपछि नेपालीले जिल्ला प्रहरी कार्यालय कैलालीमा निवेदन दिएका थिए ।

---

जिल्ला प्रहरी कार्यालय कैलालीका प्रहरी नायव उपरीक्षक प्रतिक विष्टकाअनुसार उक्त झोला चौधरीले फेला पारेपछि आज नेपालीलाई फिर्ता गरिएको हो । चौधरीले एक तोलाको छड्के तिलहरी, तीन तोलाको हार, ५ आनाको माइली तिलहरी, २ आनाको काँटा, १२ सय नगद र एक थान मोवाइल चौधरीले फिर्ता गरेकी हुन् ।