बसको ठक्करबाट दुई जनाको मृत्यु

धनगढी : कञ्चनपुरमा बसको ठक्करबाट दुई जनाको मृत्यु भएको छ । कैलालीको धनगढीबाट महेन्द्रनगरतर्फ जादै गरेको ना ४ ख १६६४ नम्बरको बसले विपरीत दिशाबाट आइरहेको म ३ प १४८० नम्बरको मोटरसाइकललाई ठक्कर दिदा दुई जनाको मृत्यु भएको हो । 

मोटरसाइकलमा सवार भीमदत्त नगरपालिकाका २४ वर्षीय दिनेश दमाई र कृष्णपुर नगरपालिकाका २० वर्षीय प्रकाश दमाईको मृत्यु भएको जिल्ला प्रहरी कार्यालय कञ्चनपुरका प्रवक्ता तथा प्रहरी नायव उपरीक्षक अमरबहादुर थापाले जानकारी दिए । बस चालक वेदकोट नगरपालिकाका माधव सिंह गडाललाई नियन्त्रणमा लिएको प्रहरीले जनाएको छ ।
 

---