लागूऔषधसहित एक पक्राउ

कैलाली : सुदूरपश्चिम प्रदेश प्रहरी कार्यालय दिपायलबाट खटिएको प्रहरी टोलीले कैलालीको कैलारी गाउँपालिका–७ रामपुरबाट लागूऔषधसहित एक जनालाई प्रहरीले पक्राउ गरेको छ ।

चेकजाँचका क्रममा प्लाष्टिकको बट्टाभित्र Chlorpheniramine maleated and codeine phosphate syrup लेखिएको लागूऔषध सिसी थान-४० सहित सोही ठाउँका रामविलास चौधरीलाई पक्राउ गरिएको जिल्ला प्रहरी कार्यालय कैलालीका प्रहरी नायब उपरीक्षक प्रतीक विष्टले जानकारी दिए । निज चौधरीलाई पक्राउ गरी लागूऔषध शीर्षकमा मुद्दा दर्ता गरी कैलाली जिल्ला अदालतबाट म्याद थप अनुमति लिई थप अनुसन्धान भइरहेको बताइएको छ ।

---