बसको ठक्करबाट युवतीको मृत्यु

धनगढी : कैलालीमा बसको ठक्करबाट युवतीको मृत्यु भएको छ । जिल्लाको लम्कीचुहा नगरपालिकाको लम्की चोकमा टीकापुरतर्फ जाँदै गरेको ना ६ ८८३३ नम्बरको बसको ठक्करबाट पैदल यात्रीको मृत्यु भएको हो ।

लम्कीचुहा नगरपालिका-१ की २२ वर्षीया कमला देवकोटाको मृत्यु भएको प्रहरीले जनाएको छ । अहिले मृतकका आफन्तले पूर्वपश्चिम राजमार्ग अवरुद्ध पारेका छन् । ठक्कर दिने बस र चालक बर्दोगोरिया गाउँपालिका-१ का ३१ वर्षीय पुष्प कडेललाई प्रहरीले नियन्त्रणमा लिएको प्रहरीले जनाएको छ

---