मस्कले बर्खास्त गरे ट्‍वीटरका चार शीर्ष अधिकारी

सान फ्रान्सिस्को- विश्वकै धनाढ्य एलन मस्कले सोसल मिडिया कम्पनी ट्‍वीटरको ४४ अर्ब डलर डिल क्लोज गरेसँगै ट्‍वीटरका उच्च पदस्थ अधिकारीलाई बर्खास्त गरेका छन् ।  

बर्खास्त गरिएका ट्‍वीटरका अधिकारीहरुमा ट्‍वीटरका प्रमुख कार्यकारी पराग अग्रवाल, प्रमुख वित्तीय अधिकृत नेड सेगल, शीर्ष कानुनी तथा नीति कार्यकारी विजया गड्डे र जनरल काउन्सिल सेन एजेट रहेका छन् । 

---

मस्कले ट्‍वीटर किन्नको लागि आफ्नो सम्झौता पूरा गर्न शुक्रबारको म्यादको सामना गर्नुपरेको छ । कार्यकारीहरूलाई बर्खास्त गर्दा उनले अधिग्रहण बन्द गरेका थिए कि थिएनन् भन्ने स्पष्ट पारिएको छैन् । उनी बुधबार सान फ्रान्सिस्कोमा कम्पनीको मुख्यालय पुगेका थिए र इन्जिनियरहरू र विज्ञापन कार्यकारीहरूसँग भेटेका थिए । एजेन्सी