फेसबुकलाई मुद्धा हाल्ने मस्कको धम्की

क्यार्लिफोनिया- सामाजिक सञ्जाल बजारमा संघर्षरत माइक्रो-ब्लगिङ प्लेटफर्म ट्‌वीटरलाई हराउन मेटाले लन्च गरेको एप थ्रेड्स सुरु भएको केही घण्टापछि नै कानुनी पेचिलोमा फसेको छ।  थ्रेड्स, जसले यसको सुरुवात पछि ३० मिलियनभन्दा बढी प्रयोगकर्ताहरू समेटेन सफल भएको थियो, प्रतिद्वन्द्वी कम्पनीले थ्रेड्सले ट्‌वीटरको 'बौद्धिक सम्पत्ति अधिकार' को उल्लङ्घन गरेको भन्दै मुद्दा चलाउने धम्की दिएको छ।

अर्बपति व्यापारी एलन मस्कका वकिल एलेक्स स्पिरोले मेटाका सीईओ मार्क जुकरबर्गलाई पत्र लेखेका छन् र उनीमाथि 'ट्‌वीटरको व्यापार गोप्य र अन्य बौद्धिक सम्पत्तिको गैरकानूनी दुरुपयोग गरेको' आरोप लगाएका छन्। यो पत्र पहिलो पटक ‘सेमाफोर’ पत्रिकाले प्रकाशित गरेको थियो ।

---

पत्रमा मेटाले दर्जनौं भूतपूर्व ट्‌वीटर कर्मचारीहरूलाई काममा लिएको आरोप लगाएको थियो, जसको 'ट्‌वीटर व्यापार गोप्य र अन्य अत्यधिक गोप्य जानकारीहरूमा पहुँच थियो ।'

एलेक्स स्पिरोले पत्रमा लेखे, "ट्‌वीटरले आफ्नो बौद्धिक सम्पत्ति अधिकारलाई कडाइका साथ कायम राख्न चाहन्छ, र मेटालाई ट्‌वीटरको व्यापार गोप्य वा अन्य अत्यधिक गोप्य जानकारी प्रयोग गर्न रोक्नको लागि तत्काल कदम चाल्न आग्रह गर्दछ ।'

एलन मस्कले सोही समाचारलाई उद्धृत गर्दै ट्‌वीटको जवाफ दिए, "प्रतिस्पर्धा ठीक छ, बेइमानी होइन्।'

मेटाले आफ्नो प्रतिरक्षामा दावी गरेको छ कि थ्रेड्स ईन्जिनियरिङ् टोलीमा कुनै पनि पूर्व ट्‌वीटर कर्मचारीहरू छैनन्।

मेटाका प्रवक्ता एन्डी स्टोनले थ्रेड्सको पोस्टमा भने, 'थ्रेड्स इन्जिनियरिङ् टोलीमा कोही पनि पूर्व ट्‌वीटर कर्मचारी छैनन्, त्यहाँ कहिल्यै उनीहरू रहेका छैनन् ।'

मस्कको स्वामित्वमा रहेको ट्‌वीटरका लागि थ्रेड्स अहिलेसम्मकै सबैभन्दा ठूलो चुनौती हो। यसअघि पनि धेरै प्रतिस्पर्धी ट्‌वीटरको अगाडि आए, संघर्षको सामना गर्नुपर्‍यो तर विश्वको सबैभन्दा ठूलो सामाजिक सञ्जाल मध्येको एक ट्‌वीटरलाई कसैले प्रतिस्थापन गर्न सकेको थिएन् ।

इन्स्टाग्राम र फेसबुक पनि मेटाका उत्पादनहरू हुन्, र तिनीहरूसँग इन्टरनेट संसारमा आफ्ना प्रतिस्पर्धीहरूको उत्पादनहरू प्रतिलिपि गर्ने लामो र सफल इतिहास छ। कम्पनीको रिल्स सुविधा टिकटकको भाइरल भिडियो एपको नक्कल थियो, र मेटाले स्न्यापच्याट बजारमा आएपछि गायब हुने स्टोरीज सुविधा प्रस्तुत गर्‍यो।