नेपाल टेलिकमले बिलिङ प्रणाली स्तरोन्नति गर्दै, सेवा अवरूद्ध हुनसक्ने

काठमाडौँ- नेपाल टेलिकमले बिलिङ प्रणाली स्तरोन्नति गर्ने भएको छ । टेलिकमले एक सूचना जारी गर्दै बिलिङ प्रणाली स्तरोन्नति गर्दा सेवाहरू अवरूद्ध हुनसक्ने जनाएको छ ।

साउन १७ गते राति १२ बजेदेखि करिब चार घण्टा सेवा अवरूद्ध हुने जारी सूचनामा उल्लेख छ ।

---

उक्त अवधिमा ब्यालेन्स रिचार्ज, प्याकेज खरिद सेवाहरू अवरूद्ध हुनसक्ने भएकाले त्यसअघि नै आवश्यक सेवा लिइराख्न सूचना गरेको छ ।

उक्त समयमा मोबाइल भ्वाइस, डाटा, एसएमएस तथा पीएसटिएन/एफटिटिएच भ्वाइस /डाटा/आइपीटिभी सेवा यथावत सञ्चालन हुने टेलिकमले जनाएको छ ।

रिचार्ज/प्याकेज/सब्सक्रिसन वा अन्य कुनै सेवा सम्बन्धी समस्या भएमा १४९८ वा १९८ फोन गर्न सुझाव दिएको छ ।