केही दिनमा सुरू हुँदै टेलिकमको 'नमस्ते पे'

काठमाडौँ नेपाल टेलिकमको डिजिटल पेमेन्ट सेवा 'नमस्ते पे' केहि दिनमा सबै प्रयोगकर्ताका लागि सुरू हुन भएको छ । टेलिकमले निक्कै समयदेखि नमस्ते पे सुरूवात गर्ने तयारीमा थियो ।  टेलिकमले यसअघि समेत नमस्ते पे सार्वजनिक गर्ने मिति तय गरेको थियो । विभिन्न बहाना बनाएर यसको सार्वजनिक गर्ने मिति पर सार्दै आएको थियो।

हाल टेलिकमको कर्मचारीमाझ आन्तरिक परिक्षणमा रहेको नमस्ते पे अबको केहि दिनमा सम्पूर्ण प्रयोगकर्ताले प्रयोग गर्न पाउनेछन् । ट्वीटरमा टेलिकमका प्रबन्ध निर्देशक डिल्लिराम अधिकारीले एक प्रयोगकर्ताको जवाफ दिदै अबको केहि दिनमा सेवा सुरू हुने जानकारी दिएका हुन् । ट्वीटरमा नमस्ते पे कहिले सुरू हुन्छ भन्ने प्रश्नमा अबको केहि दिनमा सेवा सुरू हुने भनेर अधिकारीले जबाफ दिएका छन् । 

---

नमस्ते पे भुक्तानी सेवा बिना इन्टरनेट समेत चल्ने छ । युएसएसडी बाट समेत यसबाट भुक्तानी गर्न सकिने छ ।