कस्ता व्यक्तिले सेनामा आवेदन दिन पाउँदैनन् ?

काठमाडौँ - नेपाली सेनाले लोकसेवा आयोगको सहमतिमा ठूलो संख्यामा कर्मचारी भर्नाका लागि दरखास्त आह्वान गरेको छ । सेनाले लेखा उप सेनानी, प्राड उपसेनानी, पाइलट उप सेनानीसहित विभिन्न पदमा १९४ कर्मचारी माग गरेको हो ।

सेनाले लेखा उपसेनानीमा खुला तथा समावेशीतर्फ गरी ४० जनाको माग भएको छ । त्यस्तै, प्राड उपसेनानी र पाइलट उपसेनानी चार-चार जना  माग गरिएको छ ।

---

कस्ता व्यक्तिले आवेदन पाउदैनन् ?

• अंगभंग नभएको
• सेनाले आफ्नो सेवामा छनोट हुनका लागि विभिन्न अवधारणाहरू निर्धारण गरेको छ जसमा
• सैनिक कार्य क्षमतामा असर पर्ने हुन नहुने
• खुँडे भएका अस्वभाविक दाग/खत र खुँडेको कारण कुरुप हुन नहुने साथै स्पष्ट बोली हुनु पर्ने ।
• शरीरको अवयवहरू टुटफुट भएको वा भाँचिएको हुन नहुने ।
• कुटपिट आदिद्वारा ठूलो चोटपटक लागि शरीरको कुनै भाग वा अंगमा खत पुगेको नहुने ।
• अस्वभाविक किसिमको चोट वा खत भएको हुन नहुने । (स्याण्डो र घुँडा भन्दा माथिसम्म आउने कट्टु लगाउँदा छोपिने बाहेक बाँकी भागमा अस्वभाविक दाग देखिने हुन नहुने)
• सामान्य मानिसमा हुनु पर्ने अंग भन्दा अस्वाभाविक देखिने तथा थप अंग (जस्तै: एक हातमा ६ वटा औँला ,कानमा मासु पलाएको तीनकुने, अनुहार तथा शरीरमा अस्वभाविक देखिने ग्रहणको टाटो) भएको नहुने ।
• अंगभंग कारणबाट अस्वभाविक घाउ वा दाग भएको हुन नहुने ।
• हात खुट्टा लामो छोटो भएको नहुने ।
• कुरुप नदेखिने / शरीरमा अस्वभाविक दागहरू नभएको
• अनुहारमा छालाको सतह भन्दा माथी उठेको कोठी भई हिस्सी वा अनुहार नपरी विरूप देखिने तथा अंगभंग भई कुरुप हुन नहुने ।
• रोग वा चोट पटकको कारण अनुहारमा अस्वभाविक छ्याका भएको नहुने ।
• हात खुट्टा बाङ्गो टिङ्गो देखिने अपरेशन कारणबाट हातखुट्टा टेढो भएको हुन नुहने ।
• हात खुट्टाको औँलाहरू अस्वभाविक रूपमा नजोडिने हुन नहुने ।
• सतर्क पोजिसनमा उभिँदा  घुँडा नजोडिने
• शरीरमा ट्याटू मार्क हुन नुहने ।
• ढाड कुप्रो नभएको हुनुपर्ने ।
• सर्ने किसिमको दुवी हुनु नहुने ।
• आँखा डेढो भएको भएको नुहने ।
• बोली प्रस्ट हुनुपर्ने भकभकाउने हुनु नहुने ।
• कपाल अस्वभाविक रूपमा रँगाएको तथा फुलेको हुनु नहुने

माथि दिइएका समस्याहरू भएमा भने सैनिक सेवामा आवेदन दिन नपाउने सैनिक मुख्यालयले जनाएको छ ।