काठमाडौँ- यस साता सेयर बजार परिसूचक ११ अंकले घटेको छ। साताभरको कारोबारमा सेयर बजार परिसूचक ११.३१ अंकले घट्न पुगेको हो । गत साता १ सय १५ अंकले घटेको बजार यस भने २३ अंकले मात्र ओरालो लागेको छ।

गत साताको शुक्रबार २२३५ दशमलव ९ अंकमा रहेको बजार यस साताको अन्तिम कारोबारको दिन शुक्रबार ११ अंक घटेर  २२२३ दशमलव ७८ अंकमा झरेको छ। 

---

साताको पहिलो र अन्तिम कारोबारमा घटेको बजार अन्य कारोबारमा भने सामान्य अंकले बढेको हो । पहिलो कारोबारको दिन सोमबार ३४ अंक र अन्तिम कारोबारको दिन शुक्रबार १६ अंकले घटेको थियो। त्यस्तै मंगलबारको कारोबारमा १६ अंक, बुधबार १४ अंक र बिहीबार ८ अंकले बढेको थियो।

साताभर नेप्से परिसूचक ११ अंकले घट्दा ‘क’ वर्गका कम्पनीहरूको बजार मापक परिसूचक ४.१३ अंकले घट्यो । त्यस्तै फ्लोट १.५४ अंक तथा सेन्सेटिभ फ्लोट १.१२ अंकले घटेको छ।

उप-समूहतर्फ यस साता बैंकिङ ५ दशमलव ९ अंक, म्यानुफ्याक्चरिङ एण्ड प्रोसेसिङ ८ दशमलव ५७ अंक तथा म्युचुअल फण्ड ०.०२ अंकले बढ्दा अन्य समूह भने घटेका छन् ।

त्यस्तै व्यापार १ दशमलव ४६ अंक, होटेल तथा पर्यटन ६१ दशमलव ७६ अंक, विकास बैंक ४२ दशमलव ५८ अंक, जलविद्युत ५ दशमलव २० अंक, फाइनान्स २१ दशमलव ७२ अंक, निर्जीवन बीमा ६६ दशमलव ३१ अंक,  अन्य समूह १ दशमलव ७९ अंक, माइक्रो फाइनान्स समूह ०.४५ अंक, बीमा समूह ० दशमलव ७३ अंक, म्यचुअल फण्ड ० दशमलव ०४ अंक तथा लगानी समूह ० दशमलव ५८ अंकले घटेका छन् ।

कारोबार रकममा पनि यस साता खासै बढ्न सकेन। साताभरमा करिव ७ अर्ब रूपैयाँ बराबरको कारोबार भएको देखिन्छ । साताको दोस्रो दिनको कारोबारमा सबै भन्दाबढी १ अर्ब ८८ करोड रूपैयाँको कारोबार र  सबैभन्दा कम ८८ करोड रूपैयाँको कारोबार भएको देखिन्छ ।