बजेटले तानेन सेयर लगानीकर्ताको ध्यान, ५० अंकले घट्यो परिसूचक

काठमाडौँ - साताको पहिलो कारोबारमा सेयर बजार उल्लेख्य गिरावट देखिएको छ । सोमबार बजार परिसूचक ५०.३३ अंकले घटेको हो । 

गत साता २२२३ दशमलव ७८ अंकमा रहेको बजार आजको कारोबार पश्चात घटेर २१७३ दशमलव ४४ अंकमा ओर्लिएको छ । कतिपय सेयर विश्लेषकहरू सरकारले आइतबार संसदमा प्रस्तुत गरेको बजेटमा पूँजी बजारलाई सम्बोधन नभएका कारण लगानीकर्ताहरू निराश हुँदा बजार उच्च गिरावट तर्फ गएको बताउँछन् ।

---

आज सेयर बजार परिसूचक २ दशमलव २६ प्रतिशत तथा ‘क’ वर्गका कम्पनीहरूको बजार मापक परिसूचक १०.३३ अंक अर्थात २ दशमलव ३८ प्रतिशतले घटेको छ । त्यस्तै फ्लोट ३.२३ अंक तथा सेन्सेटिभ फ्लोट ३.१३ अंकले घटेको छ। ५० अंकले बजार घट्दा आज कारोबार भएका २ सय २७ कम्पनीमा जम्मा ५ कम्पनीको सेयर मूल्य बढेको छ । त्यस्तै १ सय ८७ कम्पनीको सेयर मूल्य ओरालो लागेको छ ।

परिसूचक	हाल	परिवर्तन	प्रतिशतमा
नेप्से	२,१७३.४४	५०.३३	२.२६
सेन्सेटिभ	४२२.७४	१०.३३	२.३८
फ्लोट	१४९.०२	३.२३	२.१२
सेन्सेटिभ फ्लोट	१३५.४०	३.१३	२.२६

उल्लेख्य रूपमा बजार घट्दा आज १ अर्ब ३३ करोड रूपैयाँ बराबरको कारोबार भएको छ । २ सय २७ कम्पनीले कारोबार गर्दा सोमबार १ अर्ब ३३ करोड ८८ लाख ५६ हजार २ सय ८२ रूपैयाँको ३४ लाख ५६ हजार ५ सय २९ सेयर २६ हजार ९ सय ४९ पटकमा खरिद विक्री भएको छ।

उल्लेख्य रूपमा घटेको बजारमा बलेफी हाइड्रो, उपकार लघुवित्त, गणपति लघुवित्त, नेपाल एसबीआई बैंक डिबेन्चर,सानिमा लार्ज क्याप लगायतको सेयर मूल्य उच्च कमाउनेमा परेका छन् ।

त्यस्तै नेपाल इन्भेष्टमेन्ट बैंक, ज्योती लाइफ इन्स्योरेन्स, लाइफ इन्स्योरेन्स कर्पोरेसन, मल्टी प्रपोज फाइनान्स, युनाइटेड आइडीआई मार्दी आरबी हाइड्रोका सेयर लगानीकर्ता बढी गुमाउनेमा परेका छन् ।

 उप-समूह तर्फ १३ ओटै समूहको सेयर मूल्य घटेको छ ।

उप-समूह	हाल	परिवर्तन	प्रतिशतमा
बैंकिङ	१,५१७.३६	३१.५१	२.०३
व्यापार	१,८६५.७५	६२.११	३.२२
होटेल र पर्यटन	२,७९२.०४	३८.९८	१.३८
विकास बैंक	३,७१५.६०	९७.५१	२.५६
हाइड्रोपावर	२,४८५.३३	६७.१३	२.६३
फाइनान्स	१,५७०.८४	३९.१३	२.४३
नन लाइफ इन्स्योरेन्स	९,२३३.५०	२४८.९५	२.६३
म्यानिफ्क्चरिङ एण्ड प्रोसेसिङ	५,२५०.२९	१२७.६	२.३७
अन्य	१,५९९.५०	४६.८५	२.८५
माइक्रो फाइनान्स	४,४७८.१५	७१.५९	१.५७
लाइफ इन्स्योरेन्स	१०,४७२.८८	३०६.६९	२.८५
म्युचअल फण्ड	१५.०१	०.३२	२.११
लगानी	७०.२७	१.६	२.२२