सेयर बजार निरन्तर घटेपछि लगानी संघले बुझायो प्रधानमन्त्रीलाई ज्ञापनपत्र

काठमाडौँ - सेयर बजार निरन्तर घट्न थालेपछि सेयर लगानीकर्ताले प्रधानमन्त्री शेरबहादुर देउवालाई भेटेका छन् । नेपाल पूँजीबजार लगानीकर्ता संघ अध्यक्ष राधा पोखरेलको नेतृत्वमा सेयर लगानीकर्ताहरूले प्रधानमन्त्री देउवालाई भेट गरेका हुन । देउवासँगको भेटवार्तामा संघले ४ बुँदे माग समेत पेश गरेका छ ।

सेयर बजारमा निरन्तर घटेको र यसले लगानीकर्ताको अर्बौ रूपैयाँ जोखिममा परेको भन्दै संघले सेयर धितो कर्जामा लगाइएको ४/१२ को क्याप पूर्ण रूपमा खारेज गर्नुपर्ने माग गरेका छन् । त्यस्तै सिसिडिलाई सिडीमा कायम गरिएको भन्दै यसलाई खारेज गरी पून: सिसिडी नै कायम गर्नेपर्ने , भारित औसत दर १ सय ५० लागू गर्ने निर्णय भएकोमा सो निर्णय खारेज गरी पुरानै भारित औसत दर १ सय कायम गर्नुपर्ने र पूँजी बजारलाई ७ प्रदेश र ७७ जिल्लामा विकास र विस्तार गर्न बैंकलाई ब्रोकर लाइसेन्स दिने लगायतका माग उनीहरूले प्रधानमन्त्रीसमक्ष राखेका थिए।

---

सो मागलाई देउवाले तत्कालै गभर्नर महाप्रसाद अधिकारीलाई फोन गरी पूँजी बजारको समस्या शीघ्र समाधान गर्न निर्देशन दिएको संघकी अध्यक्ष पोखरेलले जानकारी दिइन्।