सेयरका लगानीकर्ता झुन्डेर मर्छु भन्दै मकहाँ आउँछन्: गगन थापा

काठमाडौँ – सेयर बजार निरन्तर घटेको विषयमा संसदमा कुरा उठेको छ । नेपाली कांग्रेसका सांसद गगनकुमार थापाले आज संसदमा कुरा उठाएका हुन ।  सेयर बजार घटबढ हुन सामान्य भएपनि सरकारको नीतिले बजार निरन्तर घटेको भन्दै कुरा उठाएका हुन ।

अर्थतन्त्रको परिसूचकको रूपमा हेरिने गरिएको बताउँदै । सेयर बजार स्थायित्व र सबलताले लगानीकर्ताको मात्र नभएर समग्र अर्थतन्त्रको समेत समुन्नति हुन्छ । लामो समयदेखि नेपालको सेयर बजार अस्थिर रहेको र यसले धेरै लगानीकर्तामा निराशा छाएको बताए । उनले भने 'कतिपय लगानीकर्ता म झुन्डेर मर्छु भन्दै मकहाँ आएका छन् ।'

---

२०७८ भाद्रमा उच्चतम विन्दुमा पुगेको नेप्से हिजो १९९६ मा आइपुगेको बताउँदै यसरी एकोहरो बजार घट्दा सेयर बजारको विश्वसनीयतामा समेत प्रश्न उठ्ने बताए । यसबाट धेरै साना लगानीकर्ता उठ्नै नसक्ने स्थितीमा पुगेको बताउँदै  यसमा नेपाल राष्ट्र बैंकको कर्जा लगायतका नीतिले गर्दा बजार गिरावट गएको बताए । थापाले नियामकले के कस्ता कार्य गरेका छन् संसदसमक्ष जानकारी दिन समेत थापाले ध्यानाकषर्ण गराएका थिए ।