दोहोरो अंकले बढ्यो सेयर बजार परिसूचक

काठमाडौँ- नेपाल स्टक एक्सचेन्ज (नेप्से) परिसूचक बुधवारको कारोबारमा १३ अंकले बढेको छ। तीव्र उतार चढावबीच अन्यमा परिसूचक सकारात्मक हुँदा १३.३३ ले उकालो लागेको हो ।

आजको कारोबार पश्चात बजार परिसूचक २०४३ दशमलव ९२ अंकमा उक्लिएको छ । बजार परिसूचक १३.३३ अर्थात ०.६६ प्रतिशत ‘क’ वर्गका कम्पनीहरूको मापक सेन्सेटिभ इन्डेक्स १.६८ अंक अर्थात ०.४३ प्रतिशतले बढेर ३८८.९१ मा उक्लिएको छ।

---

आज कारोबार रकममा भने कमी आएको छ। २२८ कम्पनीको ६२ लाख ६३ हजार ३१० कित्ता सेयर २ अर्ब १७ करोड ८६ लाख ५५ हजार ७०१ पटकमा खरिद बिक्री हुँदा ३८ हजार ८ पटक कारोबार भएको थियो ।

उप समूहतर्फ बैंकिङ निर्जीवन बीमा र म्युचुअल फण्ड घट्दा बाँकी १० समूहको सेयर मूल्य बढेको छ।

आजको कारोबारमा १२३ कम्पनीको सेयर मूल्य बढ्दा ५९ कम्पनीको सेयर मूल्य घटेको छ।

लाइफ इन्स्योरेन्स कर्पोरेशन नेपाल र सिवाइसी लघुवित्तको सेयरमा सकारात्मक सर्किट लागेको छ। तेह्रथुम पावर कम्पनी, सिभिल बैंक, रिलायन्स फाइनान्स, इमर्जिङ नेपाल लिमिटेड उच्च कमाउने कम्पनी रहेका छन् ।