नेप्सेमा उच्च अंकको गिरावट, कारोबार रकम २ अर्ब १२ करोड

काठमाडौँ- बिहीबार सेयर बजार परिसूचक उल्लेख्य गिरावट देखिएको छ । पाँचौ दिनको कारोबारमा सेयर बजार परिसूचक ५७ अंकले ओरालो लागेको हो। साताको तेश्रो र चौथो दिन सुधार देखिएको बजार परिसूचक पाँचौ कारोबारमा  पुन: घटेको छ।

साताको सुरुवातमा ११.४७ तथा दोश्रो कारोबारमा १३.५९ घटेको बजार मंगलबार र बुधबार क्रमश: २१.३० तथा ४७.४६ अंकले बढेको थियो। ५७ अंकले बजार घट्दा समग्र बजार परिसूचक १९२४.४८ अंकमा झरेको छ। ‘क’ वर्गका कम्पनीहरूको मापक परिसूचक ११.२३ अंकले घट्दा ३७४.१३ मा कायम छ।

---

बजार घटेपनि कारोबार रकम भने बढेको छ। साताको सुरुवातबाटै १ करोड तल रहेको कारोबार रकम बुधबार १ अर्ब ४५ करोड तथा बिहीबार २ अर्ब १२ करोड भएको छ।

बिहीबार ६९ लाख ४० हजार ५ सय ९६ कित्ता सेयर २ अर्ब १२ करोड ५६ लाख ५५ हजार ७ सय ८७ रुपैयाँको कारोबार भएको छ। जुन ३५ हजार ५ सय ३७ पटकमा किनबेच भएको थियो।

यस्तै उप समूहतर्फ १३ ओटै समूह राताम्मे देखिएका छन। सबैभन्दा बढी फाइनान्स समूहको सेयर मूल्य घटेको छ।

घट्दो बजारमा पनि २ कम्पनीको सेयर मूल्य बढेको छ भने १ सय ८६ कम्पनीको सेयर मूल्य घटेको छ।

५७ अंकले बजार घट्दा सिटिजन म्युचुअल फण्ड, मिरमिरे माइक्रो फाइनान्स, एसबिएल डिबेन्चर, सिद्धार्थ इन्भेष्टमेन्ट ग्रोथ, सनराइज ब्लुचिप फण्ड लगायतका कम्पनीको सेयर उच्च कमाउनेमा परेका छन् ।