पोखरा विमानस्थलमा ट्यांकर पल्टिँदा उडान अवरुद्ध

पोखरा - पोखरा विमानस्थलमा इन्धनको ट्यांकर पल्टदा उडान अवरुद्ध भएको छ । मंगलबार बिहान आयल निगमको डिपोबाट जहाजमा इन्धन भर्न जाने क्रममा ट्यांकर पल्टिएको विमानस्थलका प्रवक्ता देवराज सुवेदीले जानकारी दिए ।

उनकाअनुसार बुद्ध एयरमा इन्धन भर्न जाने क्रममा ट्यांकर पल्टिएको हो । अहिले क्रेनमार्फत ट्याङ्कर हटाउने काम भइरहेको छ । मानवीय क्षति नभएको र केही समयमा हटाएपछि उडान सुचारु हुने उनले बताए ।

---