दुर्घटना हुनबाट जोगिए कांग्रेस उपसभापति गुरुङ

काठमाडौं - नेपाली कांग्रेसका उपसभापति धनराज गुरुङ ठूलो दुर्घटना हुनबाट जोगिएका छन् । आज बिहान रामेछापको गोगनेमा सडक किनारबाट थोरै तल झरेको उनी सवार गाडी अगाडि ढुंगाको ओट लागेकाले ठूलो दुर्घटनाबाट जोगिएको उनले जानकारी दिए । आफू सकुशल रहेको उनले जानकारी दिएका छन् । गुरुङ सवार बा १९ च १८३९ नम्बरको स्कार्पियो गाडी सडक किनारबाट थोरै तल झरेको थियो । 

‘ठूलो घटना हुनबाट जोगियो ! रामेछाप गोगनेमा हामी चढेको गाडी अचानक सडक किनारबाट तल गयो । तर अगाडि ढुंगाको ओट लाग्न पुगेकाले ठूलो घटना हुनबाट जोगियो,' उनले ट्वीटरमा गाडीको फोटो राख्दै लेखेका छन्, 'भगवानको कृपाले हामी सबै सकुसल छौँ ।’

---

गाडीमा उपसभापति गुरुङसहित पाँच जना सवार थिए ।
 

ठुलो घट्ना हुनबाट जोगियो!
रामेछाप गोगनेमा हामी चढेको गाडी अचानक सडक किनारबाट तल गयो तर अगाडि ढुंगाको ओट लाग्न पुगेकोले ठुलो घट्ना हुनबाट जोगियो।
भगवानको कृपाले हामी सबै सकुसल छौं। pic.twitter.com/L6KYIoRcjX

— Dhan Raj Gurung (@dhanrgrg) June 30, 2022