६० गाडी फोहोर बोकेर सिसडोलतर्फ प्रस्थान

काठमाडौँ- काठमाडौँ महानगरपालिकाका ६० वटा फोहोरका गाडी सिसडोल तर्फ गएका छन् । नेपाल ट्रिपर तथा ट्रक व्यवसायी समितिका १८, समानान्तर ग्रुपका  ३० र काठमाडौँ महानगरको १२ वटा गरी ६० वटा फोहोरको गाडी टेकुको फोहोर ट्रान्सफर्मर स्टेशनबाट ​सिसडोलतर्फ गएको महानगरले जनाएको छ ।

समानान्तर ग्रुपले निःशुल्क फोहोर ढुवानी गरेको हो । नेपाल ट्रिपर तथा ट्रक व्यवसायी समितिका ट्रकलाई २३ लिटर तेल र श्रमिकलाई १ हजार रुपैयाँ महानगरले उपलब्ध गराएको छ ।

---

सामाजिक उत्तदायित्वअन्तर्गत भावी दिनमा पनि यस किसिमका कामहरूमा सहयोग गर्न तत्पर रहेको समानान्तर ग्रुपले जनाएको छ ।

स्थानीयले आज पनि फोहोर फाल्न गएका सवारीसाधनलाई अवरोध गरेका छन् । बुधबार पक्राउ परेका स्थानीयलाई छोड्न माग गर्दै उनीहरूले फोहोर बोकेका गाडी बाटोमै रोकेका हुन् ।