अछामको तुर्माखाद गाउँपालिकामा पहिरोमा परी दुई जनाको मृत्यु, ७ बेपत्ता

कैलाली - अछाममा शुक्रबार घरमाथिबाट आएको पहिरोमा परी दुई जनाको मृत्यु भएको छ भने ७ जना बेपत्ता भएका छन्। तुर्माखाद गाउँपालिका ५ काँडामा पहिरोले दुई घर पुरिँदा बेपत्ता भएका ९ जना मध्ये २ जनाको शव निकालिएको प्रहरीले जनाएको छ ।

जिल्ला प्रशासन कार्यालय अछामका प्रशासकीय अधिकृत मिनराज आचार्यले पहिरोमा परि बेपत्ता भएका ९ जना मध्ये २ जनाको शव निकालिएको बताए । बाँकी बेपत्ताको खोजीकार्य भैरहेको आचार्यले जानकारी दिए । प्रहरीका अनुसार अन्य स्थानमा पनि पहिरोले क्षति गरेको खबर आएको भए पनि थप विवरण भने आएको छैन।

---

बेपत्ताको खोजी कार्यका लागि नेपाली सेना, नेपाल प्रहरी, सशस्त्र प्रहरी र स्थानीय बासिन्दा खटेको बताउदै प्रशासकीय अधिकृत आचार्यले अन्य क्षतिको विवरण संकलन गर्ने कार्य भइरहेको बताए ।