अछाममा पहिरोमा पुरिएर ९ जनाको मृत्यु

कैलाली - अछामको कमलबजार नगरपालिका, ढकारी गाउँपालिका र तुर्माखाँद गाउँपालिकामा पहिरोमा पुरिएर ९ जनाको मृत्यु भएको छ । कमलबजार नगरपालिका–६ मा पहिरोले घर पुरिँदा बेपत्ता भएका ६ मध्ये ५ जनाको शव भेटिएको अछामका सहायक प्रमुख जिल्ला अधिकारी दिपेश रिजालले जानकारी दिए ।

यस्तै ढकारी गाउँपालिका र तुर्माखाँद गाउँपालिकामा २/२ जनाको शव फेला परेको उनले बताए । अन्य बेपत्ताको खोजी कार्य भइरहेको र थप विवरण आउन बाँकी रहेको सहायक प्रमुख जिल्ला अधिकारी रिजालले बताए ।

---