टुकुचामाथि बनेका संरचना नभत्काउन उच्च अदालतकाे आदेश

काठमाडौँ- टुकुचामाथि बनेका संरचना नभत्काउन उच्च अदालत पाटनले अन्तरकालीन आदेश जारी गरेकाे छ ।

काठमाडौँ महानगरपालिकाले हराएको टुकुचा खोला खोज्दै त्यसमाथि बनाएका संरचनाहरू भत्काउने तयारी गरेपछि उच्च अदालत पाटनले आइतबार उक्त आदेश गरेको हो ।

---

प्रेसिडेन्ट ट्राभल्स एण्ड टुर्स प्रालिको तर्फबाट भोलाविक्रम थापासमेतले दायर गरेको रिटमाथि सुनुवाइ गर्दै न्यायाधीश दिपेन्द्रबहादुर बमको इजलासले साे आदेश जारी गरेको हो ।

महानगरपालिकाले टुकुचा मिचेर जय नेपाल सिनेमा हलमा बनेका संरचना र लक्ष्मी बैंकको संरचनामा डाेजर लगाएर टुकुचा खोला निकालेको थियो । अदालतले असोज ५ गते दुवै पक्षलाई छलफलमा बोलाएको छ ।