जेठसम्म चट्याङ पर्ने, यी हुन् जोगिने उपाय (भिडियोसहित)

काठमाडौँ : प्रि-मनसुनको समयमा चट्याङ धेरै पर्ने भएकाले सतर्क रहन मौसमविदले आग्रह गरेका छन् । प्रि-मनसुन अर्थात चैतदेखि जेठसम्मको समयमा धेरै चट्याङ पर्ने सम्भावना रहेकाले यो समयमा सतर्क रहनुपर्ने मौसमविद विभूति पोखरेलले जानकारी दिइन् ।

उनका अनुसार अपरान्हपछि चट्याङसहित मेघगर्जन, हावाहुरी आउने भएकाले सकेसम्म घरबाहिर हुँदा सतर्क रहनुपर्ने मौसमविद पोखरेलले बताइन् । ‘प्रिमनसुन र मनसुनको समयमा प्राय अपरान्हपछि चट्याङ पर्ने सम्भावना धेरै हुन्छ’ उनले इकागजसँग भनिन्, ‘त्यसैले यो समयमा घरबाहिर हुँदा आफू सतर्क हुनुपर्छ ।’

---

मौसमविद पोखरेलका अनुसार चट्याङबाट बच्न घरभित्रै बस्ने, बाहिर भएको बेला रुखको मूनि भन्दा खुल्ला चौरमा टुक्रुक्क बस्ने गर्नुपर्छ । यसका साथै चट्याङ परेका बेला टेलिफोनमा कुरा गर्नु हुदैन ।

चट्याङ परेका बेला विद्युतीय सामग्री चलाउनु जोखिमपूर्ण मानिन्छ । वायुमण्डलमा हावा तातेपछि बेलूकीको समयमा विद्युतीय तरंग उत्पन्न भइ चट्याङ पर्ने मौसमविद पोखरेलको भनाई छ । शुक्रबार परेको चट्याङका कारण भोजपुर, तेह्रथुम र बाग्लुङमा तीन जनाको मृत्यु भएको थियो । 

भिडियोमा हेर्नुहोस चट्याङबाट बच्ने उपाय