कैलाली र कञ्चनपुरमा भारी वर्षा

कैलाली - बिहीबारदेखि कैलाली र कञ्चनपुरका केही स्थानमा भारी वर्षा भएको छ। शुक्रबार पछिल्लो तीन घण्टामा दुवै जिल्लामा भारी वर्षा भएको जल तथा मौसम विज्ञान विभागले जनाएको छ।

वर्षा अहिले पनि नरोकिएपछि सचेत रहन आग्रह गरिएको छ । भारी वर्षाका कारणले दिउँसो १२ बजेसम्म साना तथा ठूला नदी र खोलाहरूमा बाढीको सम्भावना भएकोले सर्तकता अपनाउन आग्रह समेत गरिएको छ।

---

यहाँका खुटिया, कान्द्रा, मोहना नदी, सुहेली, चौधर लगायतका साना खोलाहरूमा एक्कासि बाढी आएर होचा ठाउँमा डुबान पर्ने भएकाले सावधानी अपनाउन भनिएको छ।