काठमाडौँ महानगरअन्तर्गतका विद्यालय बैशाखभर वैकल्पिक माध्यमबाट चल्ने

काठमाडौँ : काठमाडौँ महानगरपालिकाले महानगर अन्तर्गतका विद्यालयमा बैशाख मसान्तसम्म भौतिक कक्षा सञ्‍चालन नगरी बैकल्पिक माध्यमबाट सञ्‍चालन गर्न निर्देशन जारी गरेको छ । महानगरका शिक्षा अधिकारी रामप्रसाद अधिकारीले ५ बुँदे निर्देशन जारी गर्दै भौतिक कक्षा सञ्‍चालन नगर्न भनेका हुन् । 

पछिल्ला दिनहरुमा कोभिड-१९ को संक्रमण बढ्नै क्रममा रहेको र विशेषतः विद्यालय उमेर समूहका बालबालिकाहरुमा संक्रमण फैलन सक्ने देखिएको भन्दै त्यस्तो गर्न निर्देशन जारी गरिएको उल्लेख छ । 

---

निर्देशनमा विद्यालय तथा अभिभावकहरूले आफना बालबालिकालाई बैकल्पिक माध्यमबाट सञ्चालन हुने कक्षामा सहभागी हुन आवश्यक व्यवस्था मिलाइ सहजीकरण गर्न अनुरोध गरिएको छ ।

विद्यालयका पूर्वनिर्धारित परीक्षा सञ्चालन गर्दा गराउँदा २५ जना भन्दा बढी विद्यार्थीहरु एकै पटक भेट नहुने गरी व्यवस्था मिलाउन पनि निर्देशनमा भनिएको छ । विद्यालय प्रशासन नियमितरुपमा सन्चालन गर्न र व्यवस्थापन समिति र शिक्षक अभिभावक संघका पदाधिकारीहरूले नियमित अनुगमन गर्न निर्देशनमा भनिएको छ ।