कस्ताे अवस्थामा मतपत्र बदर हुनसक्छ ?

काठमाडौं- आइतबार प्रदेश तथा प्रतिनिधि सभा निर्वाचन हुँदैछ । निर्वाचनको सम्पूर्ण तयारी पूरा भएको निर्वाचन आयोगले जनाएको छ । आयोगले आम निर्वाचनका क्रममा मतपत्र बदर हुन नदिन मतदाता शिक्षामा समेत बल गरिरहेको छ ।

निर्वाचनको पूर्वसन्ध्यामा मतपत्र बदर हुने अवस्था उल्लेख गर्दै आयोगले मतदाता शिक्षामा जोड दिन जरुरी रहेको बताएको छ । 

---

मतपत्र बदर हुन सक्ने सात अवस्था :

१.  दुई वटा निर्वाचन चिह्न रहेको कोठाको बीचमा पर्ने गरी मत संकेत गरेमा मतपत्र बदर हुन सक्दछ । 

२. एकभन्दा बढी निर्वाचन चिह्नमा मत संकेत गरेमा 

३.  स्वस्तिक छाप नबुझिने गरी मत संकेत गरेमा 

४.  मतपत्रमा स्वस्तिक छापको सट्टा औँठा छाप वा अन्य छाप वा संकेत प्रयोग गरेमा 

५. कोठा भन्दा बाहिर स्वस्तिक छाप लगाएमा

६. मतपत्र च्यातिएमा

७.  मतपत्रमा मतदान अधिकृतको हस्ताक्षर नभएमा ।