प्रहरीकै अगाडि चक्कु प्रहारगरी फरार दुई जना पक्राउ

मकवानपुर - गत २६ गते प्रहरीकै सामुन्ने चक्कु प्रहार गरेर बेपत्ता भएका दुईजना युवालाई जिल्ला प्रहरी कार्यालयले नियन्त्रणमा लिएको छ । बागमती प्रदेशको राजधानी हेटौंडाको वडानम्बर २ स्थित आर्थिक मन्त्रालयको गेटमा दिउँसो तीन बजेतिर बजे प्रहरीकै सामुन्ने चुक्कु प्रहार गरी बेपत्ता रहेका हेटौडाका अशिम बर्तौला र हेमन्त थापा मगरलाई प्रहरीले नियन्त्रणमा लिएको हो ।

प्रदेश३-०१-०२३च ६१५३ नं को गाडीमा सवार हेटौंडा ६ कमाने बस्ने ३० वर्षीय अशिम बर्तौला र हेटौंडा ५ सानोपोखरा बस्ने २५ वर्षीय हेमन्त थापा मगरले हेटौंडा २ सिचाई टोल बस्ने वर्ष ३० वर्षको डानियल न्यौपानेलाई कोखामा चक्कु प्रहार गरी घाईते गराई फरार रहेका थिए ।

---

घाईतेलाई उपचारको लागि हेटौंडाको सहकारी अस्पताल पठाएना अवस्था गम्भीर भएकोले २८ गते चितवनस्थित भरतपुर मेडिकल कलेज लगिएको थियो ।

चक्कु प्रहार गर्ने बर्तौला र थापा मगरलाई ज्यान मार्ने कसुरमा मुद्धा दर्ता भएको छ र हाल प्रहरी हिरासतमा राखिएको जिल्ला प्रहरी कार्यालय मकवानपुर प्रवक्ता टेक कार्कीले बताए ।