मोटरसाइकल र कार ठोक्किँदा शुक्लाको मृत्यु

मकवानपुर : हेटौँडा उपमहानगरपालिका-९ मा आज दिउँसो सवारी दुर्घटना बारा महागढीमाई नगरपालिका-४ का ३५ वर्षीय सञ्‍जयकुमार शुक्लाको मृत्यु भएको छ । पूर्वपश्‍चिम राजमार्गको हेटौँडा उपमहानगरपालिका-९ पशुपतिनगरमा ना ३८ प ९३५३ नम्बरको मोटरसाइकल र बा ८ च २९५३ नंको कार एकापसमा ठोक्किएर दुर्घटना हुँदा मोटरसाइकल शुक्लाको मृत्यु भएको जिल्ला प्रहरी कार्यालय मकवानपुरका प्रहरी उपरीक्षक सामेन्द्रसिंह राठौरले जानकारी दिए । 
 
प्रहरी उपरीक्षक राठौरका अनुसार मोटरसाइकलमा सवार नवलपरासीका ३३ वर्षीया ज्योति अर्याल घाइते भएकी छन् । घाइते अर्यालको हेटौँडाको चुरेहिल अस्पतालमा उपचार भइरहेको छ ।
 

---