झापाको चिया बगानमा युवक-युवती मृत भेटिए

काठमाडौं - झापा एक चिया बगानमा एक युवक र एक जना युवती मृत फेला परेका छन् । जिल्लाको कचनकवल गाउँपालिका-४ केचनास्थित एभरेष्ट चिया बगानमा मंलबार बिहान उनीहरू मृत भेटिएको जिल्ला प्रहरी कार्यालय झापाका प्रवक्ता डिएसपी बसन्त पाठकले जानकारी दिए ।

उनका अनुसार दुवै जना झुण्डिएको अवस्थामा मृत फेला परेका हुन् । मृत भेटिनेमा ​कचनकवल गाउँपालिका वडा नम्बर ४ केचनाका राजेशकुमार गणेश र सोही ठाउँकी पवित्रा राजवंशी छन् । 

---

युवक अन्दाजी २५ र युवती १८ वर्षकी छन् । अहिले घटनास्थलमा प्रहरी टोली पुगेको उनले बताए । यसबारे थप अनुसन्धान भइरहेको उनको भनाइ छ ।