चिकित्सकमाथि लाठी चार्ज गर्ने प्रहरी निलम्बित

काठमाडौँ - राष्ट्रपति विद्यादेवी भण्डारीको सवारीको क्रममा चिकित्सकमाथि लाठी चार्ज गर्ने प्रहरी निलम्बित भएका छन् ।

ट्रमा सेन्टरका चिकित्सकमाथि कुटपिट गर्ने वरिष्ठ हवल्दार शम्भुजंग गुरूङलाई निलम्बन गरेको नेपाल प्रहरीका प्रवक्ता पोषराज पोखरेलले जानकारी दिए । उनका अनुसार निलम्बन गरेर उनीमाथि थप अनुसन्धानका लागि प्रक्रिया अघि बढेको छ । 

---

राष्ट्रपति सवारी भएको समयमा हिँडेको भन्दै प्रहरीले ट्रमा सेन्टरका चिकित्सक जनिथलाल सिंहलाई कुटपिट गरेको थियो । जसको चौतर्फी आलोचना भइरहेको छ ।