समाज

वडा सदस्यको शव बोकेको जीप दुर्घटना हुँदा चार जनाको मृत्यु

नवराज पनेरु |
बैशाख २१, २०७८ १६:२९ बजे

धनगढी : बैतडीमा जीप दुर्घटना हुँदा चार जनाको मृत्यु भएको छ । जिल्लाको पञ्‍चेश्‍वर गाउँपालिका-६ रोडिदेवलमा से १ ज १२३ नम्बरको जीप दुर्घटना हुँदा चार जनाको मृत्यु भएको हो । ६ जना घाइते भएका छन् ।

पञ्चेश्वर गाउँपालिका-६ का ५० वर्षीय जीतसिंह भण्डारी, डम्मरसिंह भण्डारी, हिम्मत भण्डारी र दीपक भण्डारीको घटनास्थलमै मृत्यु भएको जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले जानकारी दिए । 

दुर्घटनामा परी घाइते भएका ६ जनालाई उपचारका लागि जिल्ला अस्पताल पठाइएको खड्काले बताए । चट्याङ लागेर मृत्यु भएका पञ्चेश्वर गाउँपालिका-६ का वडा सदस्य गोविन्दसिंह भण्डारीको शव पोष्टमार्टमका लागि अस्पताल ल्याउँदै गर्दा दुर्घटना भएको प्रहरीले जनाएको छ । दुर्घटनाको कारण खुलेको छैन् ।



Author

नवराज पनेरु

पनेरु इकागजका सुदूरपश्‍चिम प्रतिनिधि हुन् ।


थप समाचार