मेयरका चालक श्यामकाे नाममा एसईई दिने राम पक्राउ

काठमाडौं- खोटाङको हलेसी तुवाचुङ नगरपालिकाकी मेयर विमला राईका चालक श्यामराज राईको नाममा नक्कली विद्यार्थी बनेर आजको एसईई परीक्षा दिँदै गरेका सोही विद्यालयका एक जना विद्यार्थी पक्राउ परेका छन् ।

तुवाचुङ नगरपालिका–४ बडहरेस्थित लक्ष्मी मावि, खोक्सेली परीक्षा केन्द्रबाट मेयरका चालक राई बनेर परीक्षा दिँदै गरेका राम राई पक्राउ परेको उक्त विद्यालयका प्रधानाध्यापक तेजकुमार राईले बताए ।

---

आफू आजको परीक्षामा नभएको र अरुलाई निमित्त दिएको उल्लेख गर्दै प्रधानाध्यापक राईले आफूलाई उक्त घटनाबारे जानकारी गराइएको उल्लेख गरे । ‘पक्राउ गरेर लगेको छ, अब जे हुन्छ नियम–कानुन अनुसार हुनेछ,’ प्रधानाध्यापक राईले सोमबार इकागजसँग भने । 

विद्यार्थी श्याम राई भने फरार छन् ।