लुम्बिनीमा ३८ पत्रकार संक्रमित

बुटवल : नेपालमा कोभिड १९ को दोस्रो लहर प्रभाव बढिरहेका वेला लुम्बिनी प्रदेशका विभिन्न जिल्लामा पत्रकारहरूले अक्सिजनसहितको आइसोलेशन निमार्ण गरेका छन् । उनीहरूले स्थानीय तह, जिल्लास्थित संघ संस्था र सहयोगीमार्फत यस्ता आइसोलेशन निमार्ण गरेर संचालनमा ल्याएका छन् । संक्रमणको दर तिव्र रूपमा बढिरहेको र अस्पतालसमेत भरिभराउ भएपछि उनीहरूले यस्ता संरचना निमार्ण गरेको बताए । 
 
नेपाल पत्रकार महासघ लुम्बिनी प्रदेश समितिले प्रदेशका रोल्पा, दाङ, कपिलवस्तु, गुल्मी, पाल्पा, अर्घाखाँचीमा पत्रकार महासंघकै भवनमा आइसोलेशन निमार्ण गरेको जनाएको छ । प्रदेश समितिले जारी गरेको विज्ञप्तिमा अर्घाखाँची शाखामा भने अन्य संघ संस्थाको सहकार्यमा संयुक्त रूपमा आइसोलेशन निमार्ण गरेको उल्लेख छ ।
 
महासचिव विक्रम खड्काले जारी गरेको विज्ञप्तिमा महासंघको दाङ शाखाले ६ वेडको र अन्य जिल्ला शाखाले निमार्ण गरेका आइसोलेशनहरु ५ वेडका छन् । जिल्ला जिल्लामा संक्रमितहरूको संख्या वढ्दै गएकोले सम्भव हुने जिल्लामा सरोकारवाला संघ संस्थाको सहयोगमा संरचना निमार्ण भएको महासंघका प्रदेश अध्यक्ष बसन्त गिरीलेले बताए ।

ति आइसोलेशन पत्रकार महासंघ जिल्ला शाखाको संयोजनमा बने पनि अन्य सर्र्वसाधारणलाई उपयोग गर्न सक्नेछन् । संरचना निमार्ण भए पनि  अक्सिजन र स्वास्थ्यकर्मीको अभाव रहेकोले सहयोग समन्वयका लागि महासंघ लुम्बिनी प्रदेश समितिले सम्बद्ध पक्षलाई सहयोगका लागि अपिल गरेको छ ।

---

प्रदेश समितिले दिएको जानकारी अनुसार लुम्बिनी प्रदेशमा दोस्रो लहरको कोभिड-१९ संक्रमणमा ३८ पत्रकार परेका छन् । उनीहरूमध्ये रुपन्देहीमा सबैभन्दा बढी १४ जना संक्रमित बनेका छन् । जसमा दुई जना अस्पतालमा भर्ना भएर उपचार गराइरहेका छन् भने बाँकी पत्रकार होम आइसोलेशनमै बसेका छन् ।  यस्तै बाँकेमा  १२, दाङमा ४, बर्दियामा ४, पाल्पामा २ तथा कपिलवस्तु र नवलपरासी पश्चिममा १÷१ जना पत्रकार संक्रमित भएको महासंघको लुम्बिनी समितिले जनाएको छ ।