श्रीमतीको हत्या आरोपमा​ एकजना पक्राउ

काठमाडौँ- आफ्नै श्रीमतीको हत्या गरेको आरोपमा एक जना पक्राउ परेका छन् ।​ ५० वर्षीया श्रीमती मोतीमाया पौडेलको हत्या गरेको आराेपमा ५५ वर्षीय निङमा शेर्पा पक्राउ परेका हुन् ।

टोखा नगरपालिका–८ स्थित डेरा गरी बस्ने धनकुटा कुरले तेनुपा गाउँपालिका घर भएका शेर्पालाई शनिबार राति पक्राउ गरिएको हो ।

---

मादक पदार्थ सेवन गरी एक आपसमा झै–झगडा हुँदा निङमाले कुटपिट गर्ने क्रममा मोतीमायाको घटनास्थलमै मृत्यु भएको प्रहरी वृत्त महाराजगंजले जनाएको छ ।

पक्राउ परेका शेर्पामाथि प्रहरीले थप अनुसन्धान गरिरहेको बताएकाे छ ।