के नेपाली 'अपराधी'हरूले पाेर्चुगलमा आंतक मच्याउँदैछन् ?

काठमाडौँ- पोर्चुगलमा बस्दै आएका नेपाली अपराधीहरुले पोर्चुगलको राजधानी लिस्बनमा आतंक फैलाएको आरोप लगाइएको छ । पोर्चुगलको संचारमाध्यम एसआईसी डट पीटीले राखेको एक भिडियोमा नेपाली अपराधीहरुले दुईजनामाथि आक्रमण गरेको देखाइएको छ ।

उक्त संचारमाध्यमले पोर्चुगलमा बस्दै आएका नेपालीहरुले लिस्बनमा आतंक फैलाएको तथा आगामी दिनमा हुने अपराध नियन्त्रणका लागि पोर्चुगलको सुरक्षाकर्मीहरु तयार नभएको समाचार प्रकाश गरेको छ ।

---

समाचारमा जनाइएअनुसार अपराधी मानिएका नेपालीहरुले नेपालबाटै गएकाहरुलाई बासको व्यवस्था गर्दा रकम असुलेको तथा उनीहरुमाथि कुटपिट गरेको आरोप लगाइएको छ ।

पोर्चुगिज भाषामै प्रकाशित उक्त समाचारअनुसार उनीहरु वर्षौदेखि लिस्बनमा आपराधिक गतिविधि तथा लागूऔषध व्यवसायमा संलग्न भएको आरोप लगाइएको छ ।