मकवानपुरमा चट्याङ लागेर एक जनाकाे मृत्यु

मकवानपुर- मकवानपुरको पूर्वी क्षेत्रमा रहेका बकैया गाउँपालिकामा चट्याङ लागेर एक जनाकाे मृत्यु भएको छ । बकैया गाउँपालिका-९, देउबुजेमा चट्याङ लागेर एक जना पुरुषको मृत्यु भएको मकवानपुर प्रहरीले जनाएकाे छ ।

चट्याङ लागेर मृत्यु हुनेमा शिखरपुरका ३२ वर्षीय नविन ब्लोन रहेको जिल्ला प्रहरी कार्यालय मकवानपुरले जनाएको छ । ब्लोनलाई आइतबार दिउँसो ४ बजेको समयमा मामाको घर बाहिर बसेको ठाउँमा चट्याङ लागेको थियो ।

---

चट्याङ लागेर ब्लोनको घटनास्थलमै मृत्यु भएको प्रहरीले जानकारी दिएकाे छ ।