कैलालीमा करेन्ट लागेर एक जनाको मृत्यु

धनगढी- कैलालीमा करेन्ट लागेर एक जनाको ज्यान गएको छ ।​

बर्दगोरिया गाउँपालिका–४ पुरैनतालका मोहन बुचामगरको टिनले छाएको कच्ची भान्सा घरमा बिजुलीको तार सट भई उनको घरमा आएका सोही पालिकाका ४५ वर्षीय प्रशादे साउदलाई करेन्ट लागेको थियो ।

---

करेन्ट लागि घाइते भएका साउदको घोडाघोडी अस्पतालमा उपचारका क्रममा मृत्यु भएको हो । खबर प्राप्त हुनासाथ उक्त स्थानमा इलाका प्रहरी कार्यालय सडकपुर बौनियाबाट प्रहरी टोली खटिइएको थियाे ।

शवलाई पोस्टमार्टमका लागि सेती प्रादेशिक अस्पतालमा पठाइएको प्रहरीले जनाएको छ ।