धनगढीमा दुई दिने युवा वैज्ञानिक सम्मेलन सुरु

धनगढी- नवीन खोज, अनुसन्धान र विकास भन्ने उद्घोषका साथ दुई दिने युवा वैज्ञानिक सम्मेलन शुक्रबारदेखि धनगढीमा सुरु भएको छ ।

सम्मेलनमा रोवटिक्स फुटबल र यन्त्र रोबेटिक्स रेस सम्बन्धी प्रतिस्पर्धा भइरहेको छ । फुटबलमा ११ र रेसमा १६ टिमका बीचमा प्रतिस्पर्धा भइरहेको हो । दुईवटै विद्याका विजेता खेलाडीलाई पुरस्कार पनि दिइने भएको छ ।

---

प्रतियोगिताका लागि कैलाली कञ्चनपुर, बैतडी, बझाङ, दार्चुला लगायतका जिल्लाबाट आएका युवा तथा विद्यार्थी सहभागी छन् ।

युवा वैज्ञानिक सम्मेलनमा सुदूरपश्चिममा साथै सुर्खेत र काठमाडौँबाट आएकाहरूले समेत विभिन्न खालका प्रदर्शनी र सिकाउने काम गरिरहेको मूल आयोजक सुदूरपश्चिम प्रदेश सरकार अन्तरगतको प्रदेश युवा परिषदका सदस्य सचिव युवराज कुँवरले बताए ।

दुई दिने कार्यक्रममा उत्कृष्ट प्रदर्शनी गर्ने समूह वा व्यक्तिलाई एक लाख रुपैयाँ पुरस्कार दिने कार्यक्रम पनि रहेको छ ।