बालेनलाई हर्कको ढाड्‌स : नडराउनुस् नबिराउनुस् साथमा छौँ

काठमाडौँ- काठमाडौँ महानगरपालिकाका मेयर बालेन शाहलाई धरान उपमहानगरपालिकाका मेयर हर्क साम्पाङले ढाड्‌स दिएका छन् । 

आदिपुरुष चलचित्रमा प्रतिबन्ध लगाएपछि चलेको मुद्धामा तारिख बोकिरहेका मेयर शाहलाई धरानका मेयरले ढाड्‌स दिएका हुन् । 

---

अदालतले आफूलाई अपराधी बनाएको भन्दै शाहले उनले आइतवार साँझ ट्‌वीट गरेपछि साम्पाङले ‘नडराउनु’ भन्दै साथ दिने प्रतिबद्धता जनाएका हुन् । 

काठमाडौँका मेयर शाहले आइतबार अदालतको तारिख पर्चा साँझ लेखेका थिए, 

‘आज एउटा विशेष दिन,

आजबाट म तारिखमा छु,

भारतको सांस्कृतिक हस्तक्षेपको विरोध गर्दा, र आजै ,

प्रधानमन्त्रीज्यूले छूट पाउनु भयो, भारतले यो देशको प्रधानमन्त्री बनाउँछ भन्दा ।

म आजबाट अपराधी ।’

त्यसको जवाफमा धरानका मेयर साम्पाङले ट्‌वीटमा जवाफ दिदैँ लेखे, ‘नडराउनुस् नबिराउनुस् हजुरको साथमा म छु, हामी छौं ।’