पाइलटसँग ‘हेल्लो’ शब्द कुराकानी भएपछि मनाङ एअरकाे हेलिकोप्टर सम्पर्कविहीन

काठमाडौं । सोलुखुम्बुको सुर्केबाट काठमाडौंका लागि उडेको हेलिकोप्टर सम्पर्कविहीन भएको छ । मनाङ एअरको हेलिकोप्टर सम्पर्कविहीन भएको हो ।
पाइलटसहित ६ जना यात्रु रहेको हेलिकोप्टर विहान १० बजेदेखि सम्पर्कविहीन भएको एअरका प्रवक्ता राजु न्यौपानेले इकागजलाई जानकारी दिए ।

मनाङको ९एनए–एमभी कलसाइन भएको हेलिकप्टर सम्पर्कविहीन भएको हो । प्रवक्ता न्यौपानेकाअनुसार खोजीका लागि काठमाडौंबाट अर्काे हेलिकोप्टर पठाइएको छ ।

---

पाइलटसँग एकपटक ‘हेल्लो’ शब्द कुराकानी भएपछि हेलिकोप्टर सम्पर्कविहीन भएको उनले बताए ।

हेलिकप्टरको खोजी कार्य जारी रहेको उनले जानकारी दिए ।