सल्यानमा छोराले गरे आमाको हत्या

सुर्खेत- सल्यानमा आफ्नै छोराले आमाको हत्या गरेका छन् । शारदा नगरपालिका–१३ माथिल्लो सल्यानचौरमा २३ वर्षका नवीन भण्डारीले ४८ वर्षीया आमा शारदा भण्डारीको हत्या गरेका हुन् । नवीनले लाठी प्रहार गरी आमाको हत्या गरेको जिल्ला प्रहरी कार्यालय सल्यानले जनाएको छ ।

मंगलबार बिहान ४ बजेको समयमा एक्कासी आमाबुवा सुत्ने कोठामा गई पैंयाको लाठीले टाउकोमा हानेर आमाको हत्या गरेको जिल्ला प्रहरी कार्यालय सल्यानका डिएसपी सन्तोष खनालले जानकारी दिए । आरोपित छोरा घरमा आमाबुवासँगै बस्दै आएका थिए । प्रहरीले नवीनलाई नियन्त्रणमा लिएको छ ।

---

घटनाको थप अनुसन्धानका लागि जिल्ला प्रहरी कार्यालयबाट प्रहरी निरीक्षक (इन्स्पेक्टर) सन्तोष खनालको कमाण्डमा प्रहरी टोली घटनास्थलमा गएको थियो । उक्त शवलाई पोस्टमार्टमका लागि जिल्ला अस्पताल पठाइएको खनालले बताए ।