मकवानपुरमा खोलाले बगाउँदा चार वर्षीया बालिकाको मृत्यु

मकवानपुर- मकवानपुरको कैलाश गाउँपालिकामा खोलाले बगाउँदा चार वर्षीया बालिकाको मृत्यु भएको छ ।

आइतबार दिउँसो कैलाश गाउँपालिका–१०, भालटारमा मनहरी खोलाले बगाउँदा प्रमिसा स्याङ्तानको मृत्यु भएको जिल्ला प्रहरी कार्यालय मकवानपुरले जनाएको छ । साथीहरूसँग खेल्न गएकी प्रमिसालाई खोलाले बगाएर मृत्यु भएको भनी स्थानीयले प्रहरीलाई जानकारी गराएका थिए ।

---

प्रहरी घटनास्थलमा पुगेर आवश्यक अनुसन्धान गरिरहेको जनाएको छ ।