मकवानपुरकाे माण्डु हाइड्रोपावरमा फेरि अर्को शव फेला

मकवानपुर ।  मकवानपुरकाे भिमफेदी गाउँपालिका ८ माण्डुस्थित बागमती खोलाको पानीबाट सन्चालन गरिएको माण्डु हाईड्रोपावरमा फेरि अर्को शव फेला परेको छ । 

हाइड्रोपावरको पानी जम्मा गरी फोहोर छुट्याउने ईन्टेक बकेटमा महिलाको शव फेला परेको मकवानपुर प्रहरीले जनाएको छ । 

---

महिलाको हाल पहिचान नखुलेको र मगोंलियन अनुहार जस्तो देखिने अन्दाजी वर्ष ३५/४० जस्तो देखिने मकवानपुरका प्रहरी प्रवक्ता टेकबहादुर कार्कीले बताए । 

मकवानपुर हेटौंडाबाट ३० किलाेमिटर पूर्व पर्ने यही हाइड्रोपावरमा १ भदौमा पनि महिलाको शव भेटिएको थियो । १ भदौमा भेटिएको अन्दाजी २५/३० वर्षीय महिलाको अझै पहिचान नखुलेको प्रहरी जनाएको छ ।

यसै यही हाइड्रोपावरमा गत साउनमा भेटिएको पुरुष शवको पनि हालसम्म पहिचान खुलेको छैन ।