विमानस्थल नजिकै पुगेपछि एमाले नेताहरू चढेको विमानको ‘अटोपाइलट सिस्टम'मा समस्या आएपछि...

काठमाडौँ- बुद्ध एयरको विमानमा प्राविधिक समस्या आएपछि नेकपा एमाले नेताहरू काठमाडौँ फिर्ता भएका छन् । जनकपुर विमानस्थल नजिकै पुगेपछि  परिचारिकाले केही प्राविधिक समस्या आएको जानकारी दिएपछि विमान काठमाडौँ फर्किएको हो ।

सिरहामा आजदेखि बस्न लागेको एमालेको सचिवालय समितिको बैठकमा सहभागी हुन विमानबाट वरिष्ठ उपाध्यक्ष ईश्वर पोखरेल, उपाध्यक्षहरू सुवास नेम्वाङ, युवराज ज्ञवाली, विष्णु पौडेल, अष्टलक्ष्मी शाक्य,  उपमहासचिव प्रदीप ज्ञवाली, विष्णु रिमाल, नेता अमृत बोहरालगायत नेताहरू जनकपुर जाँदै थिए । एमाले अध्यक्ष केपी शर्मा ओली भने विराटनगरबाट सिरहा जानेछन् । विमानको ‘अटोपाइलट सिस्टम’मा प्राविधिक समस्या देखिएको बताइएको छ ।

---