सुन तस्करी प्रकरण : छानविनका नाममा अनावश्यक दु:ख दिएकाे भन्दै एअरपाेर्ट भन्सारका १३७ कर्मचारीले मागे सरुवा

काठमाडौं । ६० किलो सुनका विषयलाई लिएर विभिन्न निकायबाट अनुसन्धान र छानबिनको वहानामा विनाकारण दुःख दिएको भन्दै त्रिभुवन अन्तर्राष्ट्रिय विमानस्थल भन्सार कार्यालयका कर्मचारीहरुले सरुवा मागेका छन् । यहाँ कार्यरत १३७ कर्मचारीहरुले भन्सार विभागमा सरुवाको माग गर्दै निवेदन दिएका हुन् ।

‘घटनामा दोषी जो कोहीलाई कानुन बमोजिम कारबाही गरियोस् भन्ने कुरामा हाम्रो कुनै दुईमत रहेन तर, कर्तव्य पालनाका सिलसिलामा खटिएका कर्मचारीहरुमाथि अनावश्यक धरपकड गर्ने, प्रमाणबिना थुनामा राख्ने, संलग्नता भएका यथेष्ट प्रमाण नहुँदा नहुँदै समेत पक्राउ गरी दुःख दिने नियत देखिएको हुँदा कार्यालयमा उपस्थित भइ तोकिएको कार्यजिम्मेवारी पूरा गर्न हामी कर्मचारीहरुमा व्यक्तिगत मनोवैज्ञानिक त्रास उत्पन्न भएको छ’, निवेदनमा भनिएको छ ।

---

उनीहरुले सुन प्रकरणमा अनुसन्धान र छानविनको बहानामा दुख दिइ मानसिक रुपमा क्षतिविक्षत बनाउने काम भएको बताएका छन् । विनाकारण भोग्नु परेको मानसिक तनावका कारण घर, परिवार तथा समाजबाट समेत बहिष्कार हुने स्थिति सिर्जना भएको कर्मचारीहरुले उल्लेख गरेका छन् ।