स्राेत नखुलेको भारतीय रुपैयाँ र लागूऔषधसहित एकजना पक्राउ

कैलाली- प्रहरीले स्राेत नखुलेको भारतीय रुपैयाँ र लागूऔषधसहित बिहीबार एक जनालाई पक्राउ गरेको छ । इलाका प्रहरी कार्यालय मालाखेती, अत्तरियाबाट खटिएको प्रहरीको टोलीले गोदावरी नगरपालिका-१ बनखेत बस्ने वर्ष ३५ का रमेशबहादुर तिरुवालाई पक्राउ गरेको हो ।

गस्तीमा रहेको प्रहरीले शंका लागि चेकजाँच गर्दा निज तिरुवाको शरीर र घरभित्र ग्यालरीको भित्तामा रहेको प्वालमा सुपर पावर नामक सुर्तीको कभरमा लुकाई छिपाई राखेको अवस्थामा २ ग्राम १९० मिलिग्राम लागूऔषध र घरको कोठाभित्र स्ल्याबमा राखेको पंखाको कभर (कार्टुन) भित्र स्राेत नखुलेको भारतिय रुपैयाँ चार लाख ७४ हजार पाँच सय समेत फेला पारी निजलाई नियन्त्रणमा लिइएको जिल्ला प्रहरी कार्यालय कैलालीका निमित्त प्रवक्ता प्रहरी निरीक्षक सन्तोष बस्यालले बताए । 

---

पक्राउ परेका तिरुवालाई हिरासतमा राखी थप अनुसन्धान भइरहेको प्रहरी निरीक्षक बस्यालले बताए ।