डुंगा चलाउने क्रममा एक बालक कर्णाली नदीमा बेपत्ता

सुर्खेत- दैलेखका एक बालक कर्णाली नदीमा बेपत्ता भएका छन् । डुंगा चलाउने क्रममा चामुण्डाबिन्द्रासैनी नगरपालिका–७ का शिव शाही बेपत्ता भएका हुन् ।

उनी आइतबार दिउँसो डुंगा चलाउने क्रममा बेपत्ता भएको दैलेख प्रहरीले जनाएको छ । उनले दैलेखको आठबीस नगरपालिका–१ र चामुण्डाबिन्द्रासैनीसँग मिलेको रामाघाट खोला र कर्णालीको दोभा क्षेत्रबाट डुंगा चलाउन सुरु गरेका थिए । बेपत्ता बालकको खोजी कार्य भइरहेको प्रहरीले बताएको छ । 

---