बाजुरामा एक बालिका मृत अवस्थामा फेला

बाजुरा- बाजुरामा आज एक बालिका मृत अवस्थामा फेला परेकी छन् ।

जिल्लाको हिमाली गाउँपालिका–१ नेटाका तारा थापाकी १५ वर्षीया छोरी सर्पनशिला थापाको शव बिच्छिया खोलाको बीच भागमा आज बिहान फेला परेको हो । बालिका शनिबार साँझ हराएकी थिइन् ।

---

उनको खोजतलास गर्दै जाँदा आज बिहान बिच्छिया खोलाको बीच भागमा मृत अवस्थामा फेला पारेको प्रहरीले जनाएको छ । घटनाको बारेमा प्रहरीले थप अनुसन्धान गरिरहेको छ ।