६० किलो सुन प्रकरणः पूर्वउपराष्ट्रपति पुनका छोरा दिपेशलाई सिआइबीले लियो बयान

काठमाडौँ- नेपाल प्रहरीको केन्द्रीय अनुसन्धान ब्युरो (सिआइबी)ले पूर्वउपराष्ट्रपति नन्दकिशोर पुनका छोरा दिपेश पुनसँग बयान लिएको छ । सोमबार सिआइबी कार्यालयमा बोलाएर उनलाई तीन घण्टा बढी बयान लिएको सिआइबीका एक प्रहरी अधिकृतले इकागजलाई जानकारी दिए । 

'हिजो दिपेश पुनलाई सोधपुछ गरिएको हो,’ उनले भने । उनलाई नियन्त्रणमा लिएर छोडिएको ती प्रहरी अधिकृतको भनाइ छ ।

---

६० किलो सुन प्रकरणमा पुनको पनि संलग्नता रहेको भन्ने आशंकामा प्रहरीले उनीसँग बयान लिएको हो । दावा छिरिङसँगको सम्बन्ध रहेका कारण यसमा जोडिएको हुनसक्ने भएकाले सोधपुछ गरेको हो ।